Why People go to Museums?

When people travel to new places, they often choose the local museums as a must-see place. Sometimes the museums are even more attractive than the most famous place of interest. The phenomenon can be easily explained if the functions of museums are taken into account. As we have known, museums can help us understand the history, the customs and the most representative arts and crafts of a place. Different place has different history. And the most convenient way to understand the history is to visit the local museum. To a tourist, the most interesting aspect of a new place is usually its customs, which can be demonstrated by the local museum. Thus, with the help of museums, tourists can have a deeper understanding of local people’s life and their customs. Every place has its own representative arts and crafts. Tourists can have the access to a wonderful show of these arts and crafts in the local museum

In a word, museums serve as a bridge between tourists and the place they visit. That is why people are so eager to visit museums when they travel to new places.

Մեր Գյուղերը.Եղիպատրուշ գյուղն ու նրա մարդիկ

Արագածոտնի մարզ  կատարած մեր ճամփորդության ընթացքում մենք եղանք Եղիպատրուշ  գյուղում: Չնայած շատ-շատ եմ ճամփորդել, եղել տարբեր մարզերում, շփվել տեղի դպրոցների սովորողների հետ, բայց այս գյուղում  ես և իմ ընկերները առաջին անգամ էինք լինում: Հետաքրքիր էր ամեն ինչ` մարդիկ, նրանց կենցաղը, վերանորոգման լուրջ կարիք ունեցող դպրոցը, ընդամենը ինը սովորող ունեցող տասներկուերորդ դասարանը: Շատ բան իմացանք գյուղի  մասին, իմացանք, որ «եղի» նշանակում է նորահաս խանձված ցորեն. այստեղից է գյուղի անունը:  Եղանք անտառապահ Վահանի հյուրընկալ տանը, հիացանք նրանց ջերմ հյուրընկալությամբ: Զրուցեցինք Մուշից գաղթած, այստեղ բնակություն հաստատած  Հայրապետ պապիկի  հետ: Տասնմեկերորդ դասարանցի Զարուհին այնքան սիրով, այնքան ջերմությամբ պատմեց իրենց գյուղի, Սբ Աստվածածին եկեղեցու մասին, որ հասկանալի էր, այս գեղեցիկ գյուղը, նրա հիասքանչ մարդիկ երբեք չեն լքի իրենց գյուղը, դժվարությամբ բայց արժանապատվորեն կդիմավորեն ու կճանապարհեն գյուղ այցելող հյուրերին: 

Ցտեսություն, կրթահամալիր

Մարդու կյանքը ի սկզբանե որոշումների անվերջանալի շղթա է: Ու չգիտես` որ տարիքից է մարդ սկսում վերջնական, հաստատուն որոշումներ կայացնել: Խոսքս մասնագիտական կողմնորոշման մասին է:

 Ասեմ`կրթահամալիրում սովորում եմ տասներորդ դասարանից: Ինչ տվեց կրթահամալիրը, ինչպես օգնեց`այլ թեմա է:

Երբ դեռ սովորում էի միջնակարգ դպրոցում, ուզում էի բժիշկ դառնալ  (ինչպես մեր գերդաստանից շատերը), լրագրող, զինվորական (ինչպես հայրիկս): Բայց… մենք մտածում ենք, նախագծում ենք, որոշումներ կայացնում, բայց ժամանակն ու կյանքը թելադրում են, ուղղություն տալիս: Կրթահամալիրը, այստեղ գտնվելուս երեք տարիները շատ բան տվեցին ինձ: Երբ մի պահ մտածում եմ` ինչ բարձունքներ եմ հաղթահարել.

Կաքավաբերդ ու Գոշալիճ, Գեղարոտի ջրվեժ ու պատմական Հայաստան….Բոլորը հետաքրքիր, բոլորն անկրկնելի, հարազատ, հիշարժան: Իսկ ինչքա՜ն նոր ծանոթություններ, նոր մարդիկ, նոր ընկերներ:

Այսօր նոր խնդիրներ լուծելու ճանապարհին եմ: Ուզում եմ թարգմանիչ դառնալ, ու գուցե մի օր կարողանամ աշխարհին գերմաներենով պատմել իմ մասին, սիրելի կրթահամալիրի մասին, ինձ երեք տարի ջերմությամբ շրջապատած մարդկանց  մասին:

Գաֆէսճեան արվեստի կենտրոնը

Գաֆէսճեան արվեստի կենտրոնը գտնվում է այնտեղ,որը երևանցիներին հայտնի է իբրև «Կասկադ»: «ՙԿասկադ՚» համալիրի գաղափարի նախահեղինակը ճարտարապետ Ալեքսանդր Թամանյանն է: Նա ցանկանում էր միմյանց կապել քաղաքի հյուսիսային և կենտրոնական հատվածները, բնակելի և մշակութային կենտրոնները` պարտեզների հսկայական կանաչ տարածքով, որը պետք է «գահավիժեր» քաղաքի ամենաբարձր բլուրներից մեկից: «Մոռացության» մատնված այս նախագիծը 1970-ականներին կրկին կյանքի կոչվեց: Հետո նորից երկար լռություն... Ջերարդ Լ. Գաֆէսճեանը 2002թ. նախաձեռնեց Կասկադի վերանորոգումը: Հուշահամալիրը հիմնովին վերանորոգվեց, նրա մեծ մասը լիովին վերափոխվեց` վերածվելով արվեստի կենտրոնի, որը կրում է իր հիմնական բարերարի` Ջերարդ Լ. Գաֆէսճեանի անունը: Գաֆէսճեան արվեստի կենտրոնը մեկ առաքելություն ունի` Հայաստանում ցուցադրել ժամանակակից արվեստի առաջատար միտումները և աշխարհին ներկայացնել հայկական մշակույթի լավագույնը նմուշները: Կենտրոնի ցուցանմուշների մեծամասնությունը պարոն Գաֆէսճեանի ժամանակակից արվեստի անձնական հավաքածուից է:

Զովունիի հուշարձանախումբը

Զովունիի հուշարձանախումբը

Ապարանի ջրամբարի ձախ ափին է գտնվում վաղմիջնադարյան հայկական ճարտարապետության Զովունի գյուղատեղիի հուշարձանախումբը, որը բաղկացած է Թուխ Մանուկ, Ս. Վարդան, Ս. Պողոս-Պետրոս եկեղեցիներից և քառակող կոթողներից:

 Կառուցման թվականը հայտնի չէ: Թ.Թորոմանյանը այն թվագրել է որպես 5-րդ դարի կառույց: Հհուշարձանի հանգամանալից ուսումնասիրությամբ զբաղվող ուրիշ հետազոտողների  վարկածի  համաձայն`  այն սկզբնապես եղել  է հեթանոսական մեհյան: Քրիստոնեություն ընդունելուց հետո օգտագործվել է որպես  եկեղեցի: 1962-67թթ Ապարանի ջրամբարի շինարարության պատճառով Պողոս-Պետրոս եկեղեցու արևելյան կողմում եղած 4-5-րդ դարերի Թուխ Մանուկ փոքրիկ եկեղեցին և հարավային կողմում եղած 5-րդ դարի Սբ. Վարդան մատուռ-դամբարանը 1967թ. տեղափոխվել են գյուղի արևելյան կողմում գտնվող Խաչեր կոչվող հատվածը և վերաշարվել։ Պողոս-Պետրոս եկեղեցին, ցավոք, մնացել է նույն տեղում: 2005թ. եկեղեցու արևելյան պատը տևական ողողումներից հետո քանդվել է։

Ապարանի ջրամբարի ձախ ափին է գտնվում վաղմիջնադարյան հայկական ճարտարապետության Զովունի գյուղատեղիի հուշարձանախումբը, որը բաղկացած է Թուխ Մանուկ, Ս. Վարդան, Ս. Պողոս-Պետրոս եկեղեցիներից և քառակող կոթողներից:

Սուրբ Պողոս-Պետրոս եկեղեցի տարվա մեջ 3-4 ամիս գտնվում է ջրի տակ: 

Գրաբարյան օլիմպիադա

1.   Կարդա Հիսուսի երեք առակները, ընտրիր դրանցից մեկը և կատարիր առաջադրանքները:

Այր մի էր տանուտէր՝ որ տնկեաց այգի, եւ ցանգով պատեաց զնա, եւ փորեաց ի նմա հնձան, եւ շինեաց աշտարակ. եւ ետ զնա ցմշակս, եւ գնաց ի տար աշխարհ:  Իբրեւ մերձեցաւ ժամանակ պտղոյ, առաքեաց զծառայս իւր առ մշակսն՝ առնուլ զպտուղս նորա:  Եւ կալեալ մշակացն զծառայս նորա, զոմն տանջեցին, զոմն սպանին, զոմն քարկոծեցին:  Դարձեալ առաքեաց այլ ծառայս բազումս քան զառաջինսն, եւ արարին նոցա՝ նոյնպէս:  Յետոյ առաքեաց առ նոսա զորդի իւր, եւ ասէ. «Թերեւս՝ ամաչեսցեն յորդույ աստի իմմէ»:  Իսկ մշակքն իբրեւ տեսին զորդին, ասեն ընդ միտս. «Սա է ժառանգն, եկայք սպանցուք զսա, եւ կալցուք զժառանգութիւն սորա»:  Եւ առեալ՝ հանին զնա արտաքոյ քան զայգին, եւ սպանին:  Արդ՝ յորժամ եկեսցէ տէր այգւոյն, զի՞նչ արասցէ մշակացն այնոցիկ:  Ասեն ցնա` զչարսն չարաւ կորուսցէ. եւ զայգին տացէ այլոց մշակաց, որք տայցեն նմա զպտուղս ի ժամու իւրեանց:

Նա մի տանուտեր էր, որ այգի տնկեց և ցանցով պատեց այն և փորձեց այնտեղ հնձան կառուցել: Շինեց աշտարակ և այն տվեց մշակներին և գնաց օտար աշխարհ:

Երբ պտուղը հավաքելու ժամանակը եկավ ուղարկեց իր ծառաներին` մշակներից իր բաժինը վերցնելու։ Մշակները հավաքեցին նրա ծառաներին, ոմանց տանջեցին, ոմանց սպանեցին, ոմանց էլ քարկոծեցին: Դարձյալ ուղարկեց֊, առաքեց ծառաների՝ ավելի մեծ թվով, սակայն նրանց հետ նույնը կատարվեց: Հետո նրանց մոտ ուղարկեց իր որդուն և ասաց «Թերևս ամաչեն իմ որդուց»: Իսկ մշակները, երբ տեսան նրան, մտածեցին իրենց մտքում. «Սա է նրա ժառանգը, եկեք սպանենք և տեր դառնանք նրա ունեցվածքին»: Եվ բռնելով հանեցին նրան այգուց դուրս և սպանեցին: Հիմա, երբ այգու տերը գա, ինչպե՞ս կվարվի ծառաների հետ:

Ասում են` նա չարին չարով կհատուցի, իսկ այգին կտա այլ մշակների, որոնք կտան իր բաժին պտուղը ճիշտ ժամանակին:

Առաջադրանքներ.

1. Ընտրածդ առակից դուրս գրիր բառեր, որոնք գրվում և կարդացվում են տարբեր: Այդ բառերի օգնությամբ փորձիր տալ գրաբար տեքստի ճիշտ կարդալու մի քանի սահմանում:

Յորժամ – նույն ժամանակ

Յորդույ – որդու

Իմմէ – իմ

Յետոյ – հետո

Տայցեն - տան

2. Մեկնաբանիր ընտրածդ առակը:

Հարկավոր է բավարարվել սեփական աշխատանքի արդյունքով: Չարությունը չարություն է ծնում, իսկ դրանից տուժում են մարդիկ ու աշխարհը:

1.   Տրված են աղոթքների վերնագրերը և աղոթքներ: Վերնագրերից յուրաքանչյուրը դիր համապատասխան աղոթքից առաջ:

«Խնդրանք իմաստության», «Աղոթք ճաշից առաջ», «Աղոթք աշխատանքն սկսելուց առաջ», «Առավոտյան աղոթք»

«Առավոտյան աղոթք»

Ա. Գոհանամք զքէն, Տէր Աստուած մեր, որ զարթուցեր զմեզ ի հանգստենէ քնոյ շնորհիւ ողորմութեան քո:

«Աղոթք աշխատանքն սկսելուց առաջ»

Բ. Զգործս ձեռաց մերոց ուղիղ արա ի մեզ, Տէր, եւ զգործս ձեռաց (մտաց) մերոց յաջողեա մեզ, ամէն:

«Խնդրանք իմաստության»

Գ. Իմաստութիւն Հօր, Յիսուս, տուր ինձ իմաստութիւն՝ զբարիս խորհել եւ խօսել եւ գործել առաջի քո յամենայն ժամ. ի չար խորհրդոց, բանից եւ ի գործոց փրկեա զիս:

«Աղոթք ճաշից առաջ»

Դ. Ճաշակեսցուք խաղաղութեամբ զկերակուրս որ պատրաստեալ է մեզ ի Տեառնէ: Օրհնեալ է Տէր ի պարգեւս իւր: Ամէն:

3. Ընտրիր վերևի աղոթքներից մեկը և կատարիր առաջադրանքները.

1. Բացատրիր, թե ինչ նշանակություն ունի ընտրածդ աղոթքը, ինչքանով է այն կարևոր, որն է դրա անհրաժեշտությունը:
2. Հատկապես ո՞ր արտահայտությունը կառանձնացնես աղոթքից՝ որպես կարևոր խոսք. հիմնավորիր: